All Liewen zielt

Maacht mat an ënnerstëtzt eis Campagne fir d’Gesondheet vun de Kanner am Mali.

Wéi?

• Schreift Iech an, a luet eisen Instructiouns-Dossier erof
• Maacht är eege Popp unhand vum Muster oder bestellt eng gefëllte Popp fir 3€ d’Stéck
• Gestallt är Popp no ärer Fantasie
• Organiséiert ee Verkafsstand. Den Erléis geet un eise Gesondheetsprogramm am Mali.

Wien?

Dës Aktioun riicht sech u Jonk an Al (z.B. Schoulen, Foyers, Maisons Relais, Clubs Senior, etc…)

Wéini?

Vun elo un, bis den 31. Dezember

Wat brauch een alles?

• Fir d’Kleeder: Stoffrechter
• Fir d’Hoer: Woll, Ficelle, Raffia
• Fir d’Gesiicht: Knäpp, Stëfter
• Fir ze bitzen: eng Nol, Zwir oder Woll

Wou kommen déi gefëllte Poppen hier?

D’Découpe sinn aus Biokotteng a goufe vu Partner vun der ONG « Aide à l’Enfance de l’Inde » an Indien hirgestallt. Gefëllt goufe se duerno vun der APEMH zu Betten op der Mess.

Wou ginn d’Suen hin?

Déi Suen, déi gesammelt ginn, ginn un eise Gesondheetsprogramm am Mali, dee mir am Kader vun der Campagne „All Liewen zielt“ ënnerstëtzen.

Méi Informatiounen zum Projet am Mali

Fir wéivill Euro solle mir déi fäerdeg Poppen verkafen?

De Verkafspräis ass iech fräi iwwerlooss. Folgend Finanzéierungsbeispiller kënne beispillsweis benotzt ginn:

• 20€ = 1 kompletten Impfzyklus géint déi 6 heefegsten Kannerkrankheeten
• 16€ = déi néideg Vitamin A Dosis fir 5 Kanner wärend 1 Joër
• 9€ = Paste aus Kakauettebotter fir 1 mangelernierte Kand wärend 1 Woch ze behandele fir dass et erëm zu Kräften kënnt

Wou solle mir d’Suen iwwerweisen?

Dir kënnt déi gesammelt Suen op folgende Kont iwwerweisen:
CCPL IBAN LU71 1111 2144 2050 0000
mat der Mentioun “Knuddelpoppen + Numm vun der Schoul/Maison relais/Foyer/…“