Vum Libanon bis an den Iran souwéi an enger ganzer Rei anere Länner am Noen Oste bréngt d’Eskalatioun vun der Gewalt d’Liewen an d’Zukunft vu Millioune Kanner a Gefor.
Kanner sinn de Risiken direkt ausgesat: Attacken, forcéiert Verdreiwung an traumatesch Erliefnesser. Vill verléieren hiert Doheem, hir Schoul oder Familljememberen. Ganz Famille flüchten, ouni ze wëssen, wou si Sécherheet fanne kënnen oder wéini d’Gewalt ophält.
D’Kanner bezuelen de Präis vum Konflikt
Den Noen Osten ass eng vun de Regiounen op der Welt, wou d’Zuel vun de Kanner, déi vu Konflikter betraff sinn, besonnesch héich ass.
Ronn 200 Millioune Kanner
liewen an der Regioun
Bal 110 Millioune Kanner
liewen a Länner, déi scho vu Konflikter betraff sinn
Ronn 77 Millioune Kanner
liewen a Gebitter, déi vun der aktueller Eskalatioun betraff sinn
Bal 46 Millioune Kanner an der Regioun brauchen haut humanitär Hëllef, an dës Zuel klëmmt weider, wann d’Gewalt zouhëlt.
Ënnerstëtzt eis Noutfallhëllef
D’UNICEF setzt sech fir d’Kanner am Noen Osten an
Säit Joerzéngte si mir a ville Länner am Noen Oste präsent a schaffe mat lokale Partner zesummen, fir d’Kanner ze ënnerstëtzen.
Eis Ekippe bidden ënner anerem:
- medezinesch Versuergung fir blesséiert Kanner
- Ënnerstëtzung fir Spideeler a Gesondheetsservicer
- Zougang zu propperem Drénkwaasser
- Behandlung géint Ënnerernärung
- psychosozial Ënnerstëtzung fir traumatiséiert Kanner
- Schutz fir onbegleete Kanner oder Kanner, déi vun hire Famille getrennt goufen
An Zesummenaarbecht mat den Agencë vun de Vereenten Natiounen an humanitären Organisatiounen evaluéiere mir permanent d’Situatioun a sti bereet, d’Hëllef fir Kanner a Famillen an der Regioun auszebauen.
All Kand huet d’Recht op Schutz a Sécherheet, och an Zäite vu Konflikt. Mat Ärer Ënnerstëtzung kënne mir de Kanner an hire Famillen eng liewenswichteg Hëllef leeschten.
Bei engem Konflikt vun esou engem Ausmooss zielt all Euro. Spent elo!
