Wéi stells du dir d’Schoul vu muer fir?
De Kreativconcours 2022, organiséiert vun UNICEF Lëtzebuerg, ënnert dem Patronage vum MENJE, Service des Droits de l’enfant, riicht sech un ganz Klassen, Gruppen vun 2 – 5 Kanner oder eenzel Kanner aus:
- Dem Fondamental: Cycle 3 a 4 *
- Dem Secondaire: 7e a 6e *
- De Maison relais: Nëmmen Schüler, déi am Cycle 3 a 4 sinn
* esou wéi aus equivalente Klassen aus de Centres de compétences, den ëffentlechen a privaten nationalen an internationale Schoulen zu Lëtzebuerg, den Europaschoulen an dem Schengen-Lyzeum.
De Concours freet no, wéi si sech d’Schoul vu muer virstellen. Wéi gesäit d’Schoul als Gebei oder Liewensraum aus? Wéi léieren d’Kanner an der Zukunft? Ginn et nach Klassesäll oder ass alles digital? De Concours bitt hinnen eng Plattform, wou si hir Wënsch, Virstellungen a Fuerderungen fir hir Zukunft kreativ ausdrécke kënnen.
De Concours leeft ab der Rentrée 2022 bis de Weltkannerdag, den 20. November 2022, Mëtternuecht.
Iddiëkatalog 2021
Deng Zukunft – Deng Stëmm
Wéi soll deng Welt no der Corona-Kris ausgesinn?
Wënsch, Virstellungen a Fuerderunge vu Kanner a Jugendlecher fir hiert Liewen no der Corona-Kris.
