Deng Zukunft – Deng Stëmm

D’Kanner gi gefrot 

Déi 5. Editioun vum Kreativconcours (2025/26) leeft vum 1. Oktober bis den 20. November an ass organiséiert vun UNICEF Lëtzebuerg an dem Service des Droits de l’enfant vum MENJE. Dës riicht sech u ganz Klassen, Gruppe vun 2 – 5 Jonken oder eenzel Participanten:

• aus dem Fondamental: Cyclen 3 a 4 * 
• aus de Maisons Relaisen: nëmme Kanner, déi an de Cyclen 3 a 4 sinn

* esou wéi aus equivalente Klassen aus de Centres de compétences, den ëffentlechen a privaten nationalen an internationale Schoulen zu Lëtzebuerg, den Europaschoulen. 

D’Thema 2025/2026: Besser zesummeliewen mat all eisen Ënnerscheeder! 

De Concours gëtt de Kanner d’Méiglechkeet, matzeschwätzen an op eng kreativ a kënschtleresch Aart ze weisen, wéi si sech en Alldag virstellen, wou jidderee matmaache kann: Frae, Männer an net-binär Persounen, Leit mat an ouni Behënnerung, jonk an al Leit, egal wéi eng Hautfaarf si hunn an ob si vill oder wéineg Suen hunn.

Am Aklang mam Thema vun dësem Joer hu mir decidéiert, eis net op ee Format ze beschränken, esou datt jidderee kann op déi Manéier matmaachen, déi him am beschte läit. All Forme vun Ausdrock sinn erlaabt: Texter, Fotoen, Filmer, Konschtwierker, Theater- oder Museksstécker, Affichen an digital Wierker. Der Kreativitéit si keng Grenze gesat! 

Fir Zeechnungen, Molereien, Affichen, Collagen, Fotomontagen: 

• All Technike sinn erlaabt 
• Format: DIN A3 fir all Wierker, egal op digital oder analog 

Fir Filmer/Videoen (inklusiv Theaterstécker, Lidder oder aner Contributiounen): 

• Max. 5 Minutten & max. 500 MB / ½ GB 
• Kameraastellungen: 1080p HD (30 fps) 

Fir Texter oder Gedichter: 

• Maximal 2 Säiten DIN A4, entweder handgeschriwwen oder digital 
• Um Computer: Schrëftgréisst opmannst 12,  Zeilenofstand 1,5 

Wichteg: Biller oder Videoe, déi duerch kënschtlech Intelligenz (KI) generéiert goufen, ginn net ugeholl! 

---

---

---

---

---