Eis UNICEF Youth Ambassadors sinn engagéiert Jonker, déi sech fir d’Rechter vu Kanner a Jugendlechen hei zu Lëtzebuerg a weltwäit, asetzen. Zil ass et sech fir aner Kanner a Jonker, deenen et net esou gutt geet, staark ze maachen an op hir Problemer opmierksam ze maachen.
Wëlls och du dech als UNICEF Youth Ambassador fir anerer asetzen an eppes bewierken? Dann mell dech un.
Eis aktuell Youth Ambassadors
D’Franklin, d’Lilou, d’Nina, d’Anna, d’Leni, den Philipp, d’Inês, d’Vanessa, d’Nina, den Georg, d’Hannah, d’Véronique, d’Marie, d’Joy an d’Laly si Schüler aus verschiddene Lycéeën ueschtert d’Land a sinn tëschent 15 an 18 Joer al.
Hir Aktivitéiten
Hei fannt dir hir wichtegst Aktivitéiten aus de leschte Joren. Niewebäi sinn si och op eise Social Media Plattformen aktiv a schaffen am Hannergrond un weidere Projeten. Stay tuned an abonéiert eis op Instagram an Facebook fir si op hirem Wee ze begleeden an näischt vun hinnen ze verpassen!
Aktivitéiten
- 2023
-
Juin, 08
Radio ARA
D'Hannah an d'Nina, ware beim Radio ARA an hunn erkläert wat Youth Ambassadors sinn a wou een sech melle ka fir Deel vum Grupp ze ginn.
-
Juin, 05
Eldoradio
D'Hannah an d'Marie ware beim Eldoradio fir iwwert d'Meenung vun de Jonken zu de Walen ze schwätzen.
-
Mai, 30
RTL Today
D'Franklin an d'Joy waren live beim RTL Today fir iwwert d'Walen ze schwätzen.
-
Mai, 24
Télécran
D'Laly an de Philipp hunn mam Télécran iwwert d'Wale geschwat.
-
Mai, 15
Visitt am Péitrusshaus
E puer vun eise Youth Ambassadors waren zu Besuch am Péitrusshaus.
-
Mar, 20
Dag vum Gléck
D’Laly an de Philipp hunn eng flott Aktivitéit mat de Kanner aus der Maison Relais „An der Schwemm“ zu Diddeléng ënnerholl.
-
Mar, 10
Mënscherechtsrot
D’Nina hat d’Geleeënheet bei der Annual Discussion on the Right of the Child vum Mënscherechtsrot zu Genf ze schwätzen.
-
Mar, 04
City Café
Eis Youth Ambassadors haten d'Geleeënheet mat politesche Vertrieder iwwer Themen ze diskutéieren, déi hinnen um Häerze leien.
-
Fév, 24
Interview mam Liliia
D'Veronika huet am Kader vum Gebuertsdag vum Krich en Interview mam Liliia aus der Ukrain gemaach.
-
Jan, 24
IFEN Webinar
Am Kader vum IFEN Webinar „Kannerrechter an der Schoul – Participatioun, Schutz a Fërderung“, huet d'Laly fir eng 100,7-Reportage vu sengen Erfarungen als Youth Ambassador erzielt.
- 2022
-
Déc, 03
Ombudsmann vir Kanner a Jugendlecher
D'Youth Ambassadors hunn sech mam Ombudsmann vir Kanner a Jugendlecher ënnerhalen.
-
Nov, 20
Social Media Takeover
D'Social Media Grupp huet um Weltkannerdag eise Facebook & Instagram Account iwwerholl. #takeover
-
Nov, 20
Online Artikelen
D’Joy, d’Véronique an d’Hannah hunn Artikele fir de Site vum RTL Lëtzebuerg geschriwwen.
-
Nov, 19
Schoulstänn
An der Woch vum Weltkannerdag haten si Schoulstänn organiséiert.
-
Nov, 16
Eldoradio
Am Kader vum #Weltkannerdag sinn d’Lilou, d’Hannah an de Georg bei den Eldoradio invitéiert ginn.
-
Nov, 15
RTL Morningshow
Am Kader vum Weltkannerdag sinn d’Vanessa a de Philipp an d’RTL Lëtzebuerg Morningshow invitéiert ginn, fir iwwer d’Rechter vun den Kanner ze schwätzen.
-
Oct, 15
Taschenbuch zu Kinder- und Jugendrechten
An Zesummenaarbecht mam UNICEF Team hunn d’Veronika, d’Marie, d’Leni an d’Lilou un engem Taschenbuch fir Jugendlecher zum Thema Kannerrechter geschafft.
-
Sep, 05
Transforming Education Summit
D’Vanessa war zu New York beim “Transforming Education Summit” vun der UNICEF. Zesumme mat der UNICEF Direktesch Cathy Russell an anere Jonken aus der ganzer Welt hunn si iwwert déi aktuell Bildungskris geschwat.
-
Juil, 10
UNICEF Thrifts
Eis Youth Ambassadors hunn en Thrift Event am Drescherhaus zu Dummeldeng organiséiert. Den Erléis ass un ee vun eise Projete gaangen.
-
Mai, 23
Visite Chambre des Députés
Zesumme mam Deputéierte Paul Galles duerften si eng Visitt duerch d'Chambre des Députés maachen.
-
Mar, 05
#WeStandWithUkraine
Hinne war et wichteg en Solidaritéitsmessage fir d'Leit aus der Ukrain op Social Media ze posten. #WeStandWithUkraine
-
Mar, 08
Weltfraendag
Si hunn sech op Social Media fir verschidden Theme staark gemaach, esou beispillsweis fir de Weltfraendag.
-
Jan, 03
Kannerhaus Gréiwemaacher
D'Nina an d‘Inês hunn dem Kannerhaus Gréiwemaacher déi Suen iwwerreecht, déi si mat engem Cake Pops-Verkaf gesammelt hunn.
- 2021
-
Déc, 08
Child Youth Forum
D’Jade Emilia huet beim Child Youth Forum vun der UNICEF iwwert déi aktuell Problemer geschwat, mat deene Kanner a Jugendlecher sech hei zu Lëtzebuerg, virun allem duerch d’Pandemie, konfrontéiert gesinn.
-
Nov, 19
Schoulstänn
Déi ganz Woch vum Weltkannerdag haten si Stänn an hire Schoule fir déi aner Schüler iwwer Kannerrechter ze informéieren.
-
Nov, 19
Shadowing
Am Kader vum #Weltkannerdag hat d’Cathy déi aussergewéinlech Chance, eis Grande-Duchesse fir en hallwen Dag ze begleeden.
-
Nov, 17
Shadowing
Am Kader vum Weltkannerdag hunn d'Iness an d'Laura en Nomëtteg mat der Gesondheetsministesch Paulette Lenert verbruecht fir en Abléck an hiren Alldag ze kréien.
-
Nov, 16
Cake Pops-Verkaf
Eis Youth Ambassadors hunn an der Woch vum Weltkannerdag an hire Schoule selwer gebake Cake Pops verkaf.
-
Nov, 11
Shadowing
Am Kader vum Weltkannerdag hunn d'Vanessa an d'Lisy (Benevol) den Educatiounsminister Meisch bei senge Meetinge begleet.
-
Nov, 08
Youth Ambassadors 2021/22
Wärend puer Youth Ambassadors op d'Uni gaange sinn, si 4 neier dobäi komm.
-
Juil, 12
Tote Bag
Si hunn en UNICEF Tote Bag erausbruecht, deen et elo an eisem Shop ze kafe gëtt.
-
Mai, 13
Your right to know
Déi éischt Folleg vun hirem Podcast « Your right to know » ass um Radio Ara gelaf.
- 2020
-
Nov, 20
Weltkannerdag
Si waren immens aktiv fir de Weltkannerdag:
- RTL « Live! Planet People »
- RTL « Kanna Niuuss »
- Interview Luxemburger Wort
- Social Media Takeover
- Informatiounsstänn an hire Schoulen -
Sep, 01
Nei Youth Ambassadors
De Grupp gouf op 15 vergréissert, soudatt puer nei Youth Ambassadors dobäikomm sinn.
-
Avr, 06
Kannertalk
Si hunn all Woch am « Kannertalk » um RTL Radio erzielt wéi si mam Lockdown an de Restriktiounen ëmginn.
-
Fév, 05
Visite aus dem Ruanda
Si hunn d’Madamm Hamoudi kenne geléiert, UNICEF-Vertriederin am Ruanda.
- 2019
-
Nov, 20
Weltkannerdag
Fir de Weltkannerdag waren si « Chefredakter fir een Dag » beim Luxemburger Wort.
-
Sep, 15
Malawi
D’Liana an den Alec ware mat an de Malawi fir sech eis « Living Schools » unzekucken.
-
Sep, 01
Eis éischt Youth Ambassadors
Mir hunn eis éischt UNICEF Youth Ambassadors presentéiert!
